Plantun de Prouvènço

Pèr coumpara dos planto d'encò nostre

Vicia narbonensis subsp. serratifolia & Iris foetidissima

Vicia narbonensis subsp. serratifolia

Fabaceae Leguminosae

Noms en français : Vesce de Narbonne, Vesce à feuilles dentées.

Descripcioun :
La favo-fèro douno d'èr à la favo emé si gros fueioun groupa pèr quatre o sièis (encò la subsp. serratifolia. Lis estipulo e li flour de 2 à 3 cm soun grando peréu. Trachis en ribo de champ. La subsp. serratifolia se recounèis à si fueioun denta (au contro de la subsp. johannis) e à si flour touto vióuleto. Coumpara emé la subsp. johannis.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 20 à 50 (70) cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 600 m
Aparado : Noun

Liò : Champ - Camin
Estànci : Termoumediterran à Subremediterran
Couroulougi : Pancaro entresigna
Ref. sc. : Vicia narbonensis subsp. serratifolia (Jacq.) Ces., 1883

Coutello(-pudènto)

Iris foetidissima

Iridaceae

Noms en français : Iris fétide, Iris gigot.

Descripcioun :
Aquesto coutello trachis en mato dins li relarg fres, souvènt proche d'aigo. Fai de flour pas trop grando en raport emé sa taio e la de si fueio (tambèn larjo fin qu'à 4 cm). Fai de poulìdi grano coulour d'arange que se vèson de tèms en ivèr, alor que la flourido èi pulèu courteto.

Usanço :
La coutello-pudènto, coume tóuti li planto de sa famiho, èi di proun empouisounanto. Soun pulèu li bèsti que, de cop que i'a, s'empouisounon emé lou fen seca. Caup d'alcalouïde dangeirous que dounon de fouiro sanguinouso. De la touca pòu faire de dermatito.